Lazy Pasta (Closed)

朋友介紹話呢間好好味，咁我就試吓啦，佢話遇到戴眼鏡嘅男店員會好味啲。我同店員講，自己冇食過呢間，有冇乜嘢推介，點知個店員答我冇…咁我就是但叫一個啦。落完單之後，店員會即刻煮，所以都係熱辣辣嘅。返到屋企打開個盒，有少少嚇親，因為真係好少蝦仁，買相睇落去有啲寡。但係蒜蓉味同辣味都好夠，所以啲扁意粉食落去都幾惹味。份量嘅話，男人可能唔夠食。如果鍾意食意粉嘅話，試吓呢間都冇妨，因為呢度附近好似都冇乜西式意粉食。