Video
Read full review
2023-02-28
620 views
對好多人嚟講，返返吓工走去食鐵板燒午餐係一件好遙遠嘅事，估唔到喺呢間餐廳，就實現咗我呢一個「願望」。呢度嘅午市套餐十分抵食，除咗有各式各樣嘅魚生飯拉麵同埋鍋物，更重要嘅係佢竟然有$200唔使嘅鐵板燒午餐。我同朋友各自都嗌咗一個餐，先來頭盤，係冇乜特別嘅麻醬沙律同埋茶碗蒸。想講一講個茶碗蒸，我個人認為正宗而且好味嘅日式茶碗蒸應該係𢳂落去呈肥膏狀態嘅滑溜，然後喺隻匙羹度搖搖欲墜，迅速就要放入口，然後一啖食落去，有雞湯、銀杏、同埋蘑菇——好慶幸呢度嘅茶碗蒸係幾得。之後第一味菜揀咗帶子，望住師傅喺面前將新鮮嘅帶子用鐵板整熟，然後加少少牛油汁將佢烤香，面頭青椒趣，中間粒帶子啱啱熟嘅質感，係我冇諗過係呢個價位嘅餐廳可以品嚐到嘅。我揀咗比較平嘅套餐，係薄牛肉燒，老實講，份量就真係少咗啲，佢得兩塊（二開四），不過牛肉味好濃，佢連埋金菇一齊燒，當係牛肉卷咁上，調味恰到好處，而且生熟度都好符合我哋嘅要求。朋友加咗20幾蚊配櫻花蝦炒飯，我就叫咗白飯，雖然四嚿牛肉好難扒曬一碗飯，但係鐵板燒總要有飯先圓滿嘅🤣然後所謂嘅椰菜就係一片翠玉瓜同埋一片蘑菇，調味都係恰到好處，其實好少食鐵板燒嘅調味係咁啱我嘅口味，呢一點
呢度嘅午市套餐十分抵食，除咗有各式各樣嘅魚生飯拉麵同埋鍋物，更重要嘅係佢竟然有$200唔使嘅鐵板燒午餐。
我同朋友各自都嗌咗一個餐，先來頭盤，係冇乜特別嘅麻醬沙律同埋茶碗蒸。想講一講個茶碗蒸，我個人認為正宗而且好味嘅日式茶碗蒸應該係𢳂落去呈肥膏狀態嘅滑溜，然後喺隻匙羹度搖搖欲墜，迅速就要放入口，然後一啖食落去，有雞湯、銀杏、同埋蘑菇——好慶幸呢度嘅茶碗蒸係幾得。
前菜：燒帶子、茶碗蒸、沙律
40 views
0 likes
0 comments
之後第一味菜揀咗帶子，望住師傅喺面前將新鮮嘅帶子用鐵板整熟，然後加少少牛油汁將佢烤香，面頭青椒趣，中間粒帶子啱啱熟嘅質感，係我冇諗過係呢個價位嘅餐廳可以品嚐到嘅。
我揀咗比較平嘅套餐，係薄牛肉燒，老實講，份量就真係少咗啲，佢得兩塊（二開四），不過牛肉味好濃，佢連埋金菇一齊燒，當係牛肉卷咁上，調味恰到好處，而且生熟度都好符合我哋嘅要求。朋友加咗20幾蚊配櫻花蝦炒飯，我就叫咗白飯，雖然四嚿牛肉好難扒曬一碗飯，但係鐵板燒總要有飯先圓滿嘅🤣
主菜：薄燒牛肉，金菇
11 views
1 likes
0 comments
然後所謂嘅椰菜就係一片翠玉瓜同埋一片蘑菇，調味都係恰到好處，其實好少食鐵板燒嘅調味係咁啱我嘅口味，呢一點值得一讚。
可惜嘅係呢一餐飯冇甜品，冇得做一個圓滿嘅總結，不過人均價$160 ，可以喺繁囂嘅生活之中，極視覺味覺之娛，都算係一種樂趣。😎
我諗我會再返嚟。
Post
