Video
Read full review
2013-06-04
311 views
前日（2﹣6﹣2013 Sun）同男友o係深水埗整完o野就食個晏，佢帶我o黎佢食過o既呢間，大熱天時，我o地揀個開行冷氣o既位坐，然後我要$40.00o既生滾花膠螺片粥，男友要牛腩筋麵多筋，要$40.00o既炸水餃，加多支可樂。等o左一陣，最快到o黎o既係牛腩筋麵，我試吓牛筋先，好腍，味道唔太淡。之後我o既生滾花膠螺片粥到o黎，比牛腩筋麵更大碗，粥好熱，我真係“辣”親，花膠夠腍，螺片幾多，可惜冇味，只係食口感，呢個比較遜色。男友食牛腩大讚大大舊但好腍，而且好入味，湯又超杰身，根本唔係湯而係汁。好耐好耐，炸水餃到o黎，一碟七隻，雖然睇見有油但唔多，食落，皮脆蝦爽，內裡有木耳絲，食晒都唔覺漏，而佢o既酸甜汁味道較得o岩o岩好之餘重好杰身，同樣好好味。價錢：落晒單後，亞姐寫低$110.00，我就睇返影低o既餐牌係咁計，都計唔到咁平，牛腩筋麵係雙拼，應該要$32.00（＄24.00＋＄8.00），咁＄110.00﹣＄80.00＝＄30.00，我當＄30.00係$24.00＋＄6.00（汽水），即係話計少o左$8.00。服務：唔差，亦估唔到可以o係o度飲外來飲品，咁當然唔鼓勵大家咁做。味道分係4
等o左一陣，最快到o黎o既係牛腩筋麵，
我試吓牛筋先，好腍，味道唔太淡。之後我o既生滾花膠螺片粥到o黎，
比牛腩筋麵更大碗，粥好熱，我真係“辣”親，花膠夠腍，螺片幾多，可惜冇味，只係食口感，呢個比較遜色。男友食牛腩大讚大大舊但好腍，
而且好入味，湯又超杰身，根本唔係湯而係汁。好耐好耐，炸水餃到o黎，
一碟七隻，雖然睇見有油但唔多，食落，皮脆蝦爽，內裡有木耳絲，食晒都唔覺漏，而佢o既酸甜汁味道較得o岩o岩好之餘重好杰身，同樣好好味。價錢：
落晒單後，亞姐寫低$110.00，我就睇返影低o既餐牌係咁計，都計唔到咁平，牛腩筋麵係雙拼，應該要$32.00
（＄24.00＋＄8.00），咁＄110.00﹣＄80.00＝＄30.00，我當＄30.00係$24.00＋＄6.00（汽水），即係話計少o左$8.00。
服務：
唔差，亦估唔到可以o係o度飲外來飲品，咁當然唔鼓勵大家咁做。
味道分係4.4分，抵食分係數2.5分。
Post
