檀島咖啡餅店 (軒尼詩道)

Open Now

Now Closed

垃圾餐廳！我未去過一間態度咁惡劣嘅茶餐廳，我真係鬼唔望佢快啲執笠收皮！落單待應態度惡劣，嘢食未到都已經一肚氣！我落單時，只係同個垃圾侍應講，早餐A 兩份，要牛油多士，雙蛋，牛通，奶茶要後上。個垃圾待應個口應該係食左屎，佢衰衰格格咁樣話：你唔使同我講奶茶後上嘅，你唔講我咪唔落單囉，牛油多士你都唔使講嘅，因為本身個餐係跟牛油多士。我即刻同佢講，個餐除咗你可以揀牛油多士仲有得揀提子包㗎嘛，我唔講清楚，你落錯單咁點啊？之後個侍應又唔覆單，仲要同我講話唔想食，你就唔好幫襯，我嬲到同個經理講，個垃圾經理淨係識得講，一人少一句。之後我撕爛咗佢落嗰張手寫單走人，呢間應該係我生平以來，幫襯過服務態度最差嘅茶餐廳，唔會再幫襯！