哈妃 (Closed)

當晚食完串燒，終於去到依間甜品店醫下第二個胃，選擇這間是因為見佢新開張而上網d comment又不差，個漢堡包外形的甜品又幾得意，所以坐低都唔洗點諗就叫左2個甜品~ 新張期間每位客人送杯花茶，花茶雖然聞落幾香不過飲落去好淡冇味~1. 必食雪糕漢堡(迷你)個甜品名有個「必食」兩字，不過小編覺得最好食其他甜品好過~ 主食係三個迷你漢堡，分別為雲尼拿、士多啤梨同朱古力味，用泡芙作為包皮，內裡係雪糕同一片士多啤梨&奇異果~ 雪糕好快溶，泡芙個皮亦軟淋淋，口感好差，個雪糕同士多啤梨&奇異果味道又唔夾，得個樣靚，太大期望先知係災難~ 反而作為薯條的南瓜年糕好好味，好似麻糬咁煙煙韌韌，外面經炸過，微脆，香口，一流，如果可以獨立叫依個薯條就好~ 另外碟上有提供一個士多啤梨醬，好酸，試過用薯條、漢堡同伴碟生果點依隻醬，完全唔match，待應亦冇係上碟時提供建議~2. 招牌香蕉拖肥脆脆杯依個甜品唔差，香蕉勁甜，鐘意香蕉人士「必食」~  面頭的脆脆係蘋果金寶d鬆粉，經過焗至表層鬆脆，幾香口~ 可能店家知道個香蕉杯本身已經偏甜，所以個拖肥汁反而唔係做到好甜，香蕉杯加上拖肥汁另有一番風味~始終是新開的鋪頭，希望