Video
Read full review
2018-12-01
805 views
千呼萬喚，終於約齊腳食倫哥了。Poster 有呢張，冬瓜雞湯底、雞煲、串燒同盤海鮮都好吸引。周末連加一，位位$383， 比同類型的雞煲火鍋貴左幾十左右。第一次食倫哥，仲要新舖，當然試試佢。入到場係熱鬧同旺場的，幾乎 full house ,氣氛好正 ！我地人多勢眾，所以有房坐，不另收費不過坐房都有個唔好處，個個侍應都踢曬腳，真係揾鬼理你囉⋯⋯經過多次攔截，（大約十五分鐘後）先至揾到人落 order 首先上雞煲，果然係招牌菜，名不虛傳好好味呀！超香夠惹味，仲可以加埋三寶（豬皮魷魚栢葉），好入味好正。係我食過最正的雞煲，沒有之一。小辣其實唔係好辣，我下次要挑戰中辣。雞煲係任食的，可以無限 encore ， 不過記得留肚食火鍋喎。然後有刺身盤，隻蝦夠大，幾正到火鍋部分，原來 poster 上的冬瓜雞係冇架，只有普通果D 芫茜皮蛋蘿蔔薯仔 ...... 失望上完湯底，仲有靚牛頸脊 ，好味架。圖中係六人份量，個個都係牛肉怪，但又冇得 encore ，轉頭水一滾已經清左，份量略嫌不足。海鮮盤有呢個，亦係六人份量，有貴妃蚌、馬刀貝、象拔仔、沙白同蝦，仲有D魚。一隻中 size 蟹 only ，得三個
Poster 有呢張，冬瓜雞湯底、雞煲、串燒同盤海鮮都好吸引。周末連加一，位位$383， 比同類型的雞煲火鍋貴左幾十左右。
第一次食倫哥，仲要新舖，當然試試佢。
入到場係熱鬧同旺場的，幾乎 full house ,氣氛好正 ！
我地人多勢眾，所以有房坐，不另收費
不過坐房都有個唔好處，個個侍應都踢曬腳，真係揾鬼理你囉⋯⋯經過多次攔截，（大約十五分鐘後）先至揾到人落 order
首先上雞煲，果然係招牌菜，名不虛傳好好味呀！
超香夠惹味，仲可以加埋三寶（豬皮魷魚栢葉），好入味好正。
係我食過最正的雞煲，沒有之一。
小辣其實唔係好辣，我下次要挑戰中辣。
雞煲係任食的，可以無限 encore ， 不過記得留肚食火鍋喎。
雞煲
54 views
0 likes
0 comments
然後有刺身盤，隻蝦夠大，幾正
刺身拼盤
61 views
0 likes
0 comments
到火鍋部分，原來 poster 上的冬瓜雞係冇架，只有普通果D 芫茜皮蛋蘿蔔薯仔 ...... 失望
上完湯底，仲有靚牛頸脊 ，好味架。
圖中係六人份量，個個都係牛肉怪，但又冇得 encore ，轉頭水一滾已經清左，份量略嫌不足。
牛頸脊
99 views
0 likes
0 comments
海鮮盤有呢個，亦係六人份量，有貴妃蚌、馬刀貝、象拔仔、沙白同蝦，仲有D魚。一隻中 size 蟹 only ，得三個人有得食，唔夠分噃⋯⋯
一般食開呢D火鍋限量海鮮盤都係勁新鮮，扎扎跳的。但盤就比較文靜，唔覺得有任何動作，似乎一早已經劏定左 。
火鍋蠔，需要大讚，好鮮甜好好味，可惜又係得一粒。
蠔
44 views
0 likes
0 comments
手打黑白滑
呢個我負責「了」落去的，可惜醒起要食的時候已經冇曬，唔知好唔好食。
得果兩條, 又冇得 encore, 唔夠分，好正常。
脆肉鯇只俾雙飛魚片同腩骨咋，最正果條長條魚腩位都冇 ....
鮑魚花膠鍋，鮑魚都算大隻的，味道ok 啦，去飲果D咁，冇乜特別。
串燒係每人一串燒蝦，仲以為好似 poster 咁有個爐仔可以自己燒牛丸，睇來又係諗多左......
燉湯，冇乜味超多油，飲左幾啖算
甜品係白涼粉，今期流行，食完火鍋食佢又幾正既。
Post
