越南牛肉粉專門店

Open Now

Now Closed

今日嚟呢間日日都排長龍嘅越南粉麵店食LUNCH，入到去先坐低，因為有位同事行得慢，所以3位先入，想坐卡位，但係阿姐話一定要4位到齊先可以坐，禮貌極之唔好，已經解釋咗第四位唔使1分鐘就到。算數，先叫野食，真係想快快手食完即閃。越南火車頭湯河，配料都算足有牛丸，牛腩，牛筋，牛肉片。但係好可惜湯底唔得，一來唔夠熱，二來唔夠味。同埋連越式粉麵店一定要有嘅生辣椒絲，佢哋都冇提供，差！問佢哋挪仲要唔禮貌回答。越式炸春捲，炸得過晒火，只可以講得個黐牙，完全唔好食。真係唔知點解可以咁多人排隊嚟食，只可以話呢區冇其他越南粉麵店所以就變成獨市生意，應該以後都唔會再嚟！