山本屋 (圍方)

Open Now

Now Closed

夜晚9點入座唔駛等諗住快食完走，食物正常但唔算驚喜，食到尾段個staff走埋嚟話收錢埋數先，我話俾八達通，佢示意我八達通要出櫃枱俾，但我一個人個口仲𡁻緊烏冬唔想呢個時候行出去😨，我話轉頭先佢都ok。食完出去俾錢，八達通嘟咗3次都唔成功，之後終於得咗，staff話收唔到但我個app顯示過咗數，佢要求我另一方式再俾多次，話會之後check返收多咗會俾返我，仲話之前都有客試過係咁，咁我就唔明喇，既然之前有客試過，點解我嘟幾次唔得都唔提一提？又或者確保部機係過到數先俾客人用？staff留低我contact話會聯絡我但我離開前都俾咗double，最後我自己都搵返八達通公司處理，的確係出現俾咗錢對方收唔到嘅情況，亦順利refund咗，但就係搞咗一大輪咁。