沙嗲王 (Closed)

炎炎夏日出開旺角，行行吓看見沙爹王門口水牌，見下午茶餐牌頗吸引，就上一樓的沙爹王坐坐，過一過冷河！我們要了$49鐵板薯條巨髀，一份蒜香牛油烤餅，下午茶餐轉特飲加$7紫薯鮮奶珍珠。鐵板薯條巨髀冇聲冇氣的上枱，雖然冇了的吱吱喳喳鐵板音律，幸好雞髀尚算好味道，而且皮脆肉嫩有肉汁，粟米粒都很清甜，熱騰騰薯條已有適量的淮鹽，好吃！很經濟抵食的$24蒜香牛油烤餅有6件，夠香熱不油膩。比較紫薯鮮奶珍珠，紫薯味道比較淡薄有奶味，兩杯特飲的珍珠一杯多一杯少，哈哈，我拎咗杯多珍珠的。