越北牛肉粉專門店 (Closed)

一直好鍾意食越南野，最鍾意係蟹膏湯檬，所以同朋友見到呢間越南餐廳有蟹膏湯檬就一齊黎試下。但係食既時候發現冇蟹膏，以為廚房一時太忙比漏左，問返侍應佢回答：上面呢啲醬就係蟹膏啦！但係我地搵黎搵去都見唔到佢所講既「醬」，只得少量蕃茄茸同香料。最後埋單既時候再問收銀既員工點解蟹膏湯檬冇蟹膏，佢既解釋係：蟹膏既意思係指個湯有蟹膏味，而唔係有蟹膏作配料。如果係錦，menu所寫既「蕃茄蟹膏蝦丸扎肉湯檬」係極具誤導成份，蕃茄、蝦丸、扎肉、湯、檬粉都有出現，而蟹膏就只係所謂「得個味」？另外，芝士蝦多士好硬身，口感一般；凍奶茶少甜少冰感覺上比一般茶餐廳凍奶茶正常甜度更甜、亦冇做到少冰。整體感覺好差。