肥佬德滷水小炒 (Closed)

青衣友就知道，青衣真係冇好野食，尼間以前都可以的，近兩三年， 食物質素包括味道明顯大幅下降，試完今次， 寧願去百佳食三餸飯都唔會再幫襯這間肥佬德。 今天叫了三個小菜，雜菜煲，孜然京蔥牛肉， 黃金魷魚鬚 ，先講雜菜煲，只是雜菜加了腐乳醬再加水，食落去一係冇味一係大篇腐乳味。跟著就是孜然京蔥牛肉，只是牛肉加了孜然粉，牛肉是牛仔骨的牛肉 ，除了牛肉有孜然粉的味道外，其他一律冇味，最後是最精彩的一味黃金魷魚鬚，上菜時魷魚鬚和炸米粉混在一起 ，一看就知番做，食肆做到佢咁 ，真係難得一見，難道這是青衣友的特色，唔好食也要食。