泰道 (Closed)

呢日去西貢本身諗住去海邊食感受陽光與海灘，點知落雨又凍又濕，但係又入咗嚟，唯有搵美食彌補一下啦。呢間喺海邊嘅泰道 Thai Dao，落雨天都人多多，所以就決定食呢間啦！1️⃣ 泰燒沙嗲雞、豬睇賣相唔錯，食落都算中規中矩，其實唔知泰國菜有冇沙嗲口味，但以迎合香港人口味嚟講都幾好食。2️⃣ 生菜包（豬）生菜包肉點都唔會出錯，呢度啲肉有少少辣，食落唔會膩啱啱好。3️⃣ 椰香黃咖哩（雞）咖喱加上椰香令呢餐飯變得好有度假feel ，但香得嚟有少少膩，配餅成真係好飽，可以唔洗點其他主食。4️⃣ 珍多冰 + 椰青椰青唔洗多講啦，一定係清甜好飲（唔係都幾難）。珍多冰就比較甜，入面有啲綠色顆粒，口感似有咬口啲嘅jelly，不過我唔鍾意飲甜野所以覺得普通。推薦星評：3🌟嚟呢度主要都係食個feel ，食物唔算有好大驚喜，但我都會再嚟，下次再試吓佢哋其他小食。另外提提大家，佢哋中午過咗之後廚房休息，大概要到4點先可以點嘢食，中間呢段時間只提供飲品。