OPPA Coffee Bar Restaurant

Open Now

Now Closed

繼續喺韓國街試韓國餐廳，嚟之前上網搵到呢一間都好多人推介就即本喺朋友生日試吓。餐廳環境係十分之逼夾嘈吵，我就訂咗枱諗住位置會好啲，但係點知安排坐喺飲品吧隔籬全程就聽住洗杯聲水喉聲開野飲聲好嘈。。。 叫咗四樣嘢食，最surprise係個韓國蛋捲，簡單啲嚟講就係一舊好厚嘅玉子燒，蛋香味濃，而且仲有大量沙律陪襯10分有用（之後你就會明我講咩）。第二樣就係八爪魚芝士拌飯，四個字，冇乜特別。第三樣就係海鮮韭菜餅，都係一樣，冇乜特別，韭菜好多海鮮得幾粒，未至於難食但又唔想繼續食咁。第四樣，韓國嘢梗係不少得有炸雞。但係呢一間嘅炸雞有啲難頂，份量的確係多，但每一嚿雞肉嘅份量佔比就十分之少，粉皮多到爆，直頭同氣炸鍋嗰啲急凍炸雞有得比，雞肉真係好少，同埋完全冇乜味道可言。。。呢個時候啲沙律就好有用，夾埋一齊食起碼叫做調返個味。