品甜 (Closed)

平時得閒都唔會去一之瓜灣，如果唔係因為朋友帶黎都唔知有間咁正既餐廳。不論甜品定咸食都好得，尤其是啲甜品40幾蚊大大份又鬼死咁好食，出面應該真係食唔到。 所有食物飲品賣相都好好睇，好似有款飲品非常潮、似足韓國既飲品。而我呢壺花茶亦好唔錯，洛郎花個味唔會太酸太搶、消濟之餘亦好耐喝。 一見到呢個burger就心花放~~~睇樣就知好食。跳出傳統框框，唔再係牛肉漢堡而係照燒雞扒。一咬落口，啲汁不停飛出黎！一睇我朋友個表情就知真好好好好食！另外設計都係好貼心，切開左一半易咬好多。 Pizza都係相當之好食，呢度既番茄味比出面既獨特，哈會死酸死甜。反而係貼近返真正番茄既味道，食得出唔係用茄汁咁簡單。 帶子意大利飯係我地大家都推介既，味道濃郁飯粒分明，但丁點兒油膩感覺都冇，拍得住貴價餐廳水準。 甜品真係重頭戲，不得不介紹！！！雖然未係最最最好，但已經嬴出面專做甜品既鋪9條街。款款甜品真係差唔多有手掌咁大，個葩菲就咁食有少少膩，但配合餅底食真係恰到好處。Creamy 程度有如牛油，非常容易入口。如果hazel nut味可以再重啲就完美啦。拿破倫真係相當有驚喜，除了酥皮酥味有點重之外，啲吉士同士多啤梨都