四季煲仔飯

Open Now

Now Closed

突然心血來潮想食煲仔飯，同男友由旺角行去廟街。7點幾到，入座率五成，遊客佔多數。坐低望到餐牌：嘩，貴左好多⋯算喇一場來到，大熱天時唔想再行喇，於是2個人叫左牛肉滑雞煲仔飯 、蠟腸排骨煲仔飯、腐乳通菜。價錢加左唔少，質素大不如前， 焗左幾分鐘打開個蓋仍然見到白飯濕潤，零飯焦！ $53食䜴油撈飯，失望到極⋯ 食到好激氣！呢個時候，隔離又來左3個後生仔，佢地坐低都係講左句：嘩好貴呀。唉，又多幾個香港人中伏⋯ 四季已經係只顧揾遊客錢，放棄食物質素既餐廳從此我嘅blacklist餐廳又多一間了。