Tardemah (K11 Musea) (Closed)

一直都想試佢哋嘅艾草年糕麵包， 因為睇食評又話佢哋嘅麵包好足料，又講到食完飛上天咁，睇相又好吸引🤤🤤，而且我食包無數，點都要嚟試試。店面係有幾位操韓語姐姐打理，麵包全部獨立包裝排喺展示櫃前，各款口味方包最低$78起，細細件，定價太高當時都有好幾個人望幾眼就走，而我就買咗 艾草年糕方包。當日打開試食好失望，啲料份量同相片差好遠，豆未煮軟，太硬，麵包太乾食😓，入口口感差， 年糕食落都冇軟糯嘅感覺，唔會再試其他口味，咁嘅定價咁嘅質素，已經預見到呢間嘢做唔長。