正村壽司 (Closed)

好失望！又貴又唔飽又唔好食！離哂大譜！食左百五蚊都唔知食左乜唔知點解佢啲刺身好似有啲唔係咁新鮮既味道。三文魚刺身: 個師傅一定係驚啲三文魚會熱親咁，衣衫單薄到呀媽都唔認得！ 又冇乜三文魚味！去超市買嗰啲仲厚，仲好食過佢！ 一蝶有四片，圖中有三片，睇下．．．兩片先等如板長一片！雖然係優惠時段ｏ者，唔洗甘薄切下吞拿魚壽司: 上碟嗰陣真係 咗！條吞拿魚死時一定係死唔眼閉，心事重重咁，連啲肉既色水都好沉。 好明顯喺唔新鮮！ 辣味三文魚壽司: 一夾上手，唔係呀嘛？！ 一件壽司得三粒三文魚？！洗唔洗咁孤寒呀！ 真係想講粗口！ 唔知以為食緊明將ｄ山寨壽司雞軟骨串燒: 真係有無搞錯！食完都唔知嗰串係 “雞軟骨串燒”定 “雞肉加軟骨”串燒！ 雞肉還雞肉，軟骨還軟骨甘串埋一齊燒！ 呢間所謂既壽司，真係唔掂！食佢一次都嫌多！ 一定無下次！BTW,俾人河蟹左,自求多福吧