Video
Read full review
2018-03-15
673 views
其實，我知我係衰嘅，明知呢度渣到死，但行到攰攰地又意志力薄弱，所以行咗入嚟呢度食Tea，結果知衰啦。。。首先，講返啲奶泡。嗱，我好坦白嘅，我揀咗脫脂奶，但唔代表脫脂奶唔可以打出濃密細滑有彈力嘅奶泡，一切都係視乎咖啡師有冇心機，同佢嘅手藝！睇返幅相，你就知佢打出嚟嘅奶泡係幾咁唔合格，直頭係由尾數返上頭，只係放5分鐘多d，啲奶泡已經去到消失天與地！真係好耐好耐好耐冇見過咁快速嘅沉降速度，我覺得一定要扣人工囉！第二，就係每次見到都覺得個形狀靚得好緊要嘅muffin，其實之前食過一次嘅，都係中伏過嘅，就係美麗嘅造型背後，完全由梳打粉支撐，所以，我建議佢改返名叫做梳打粉muffin，咁可以吸引到一眾鍾意食梳打粉嘅客人幫襯囉！最後，並唔係我要求高，只係佢品質大低！其實，附近嘅另一間cafe，無論凍飲、熱飲、脫脂奶與否，奶泡都係細密堅挺，入口順滑，勁到一個點飲到杯底之後啲泡都仲未冧落去，我真係懷疑佢係分子料理嚟；而muffin嚿蘑菇雲一樣係爆得咁燦爛，但梳打粉味？一d都冇囉！！
22 views
0 likes
0 comments
17 views
0 likes
0 comments
24 views
0 likes
0 comments
24 views
0 likes
0 comments
最後，並唔係我要求高，只係佢品質大低！
其實，附近嘅另一間cafe，無論凍飲、熱飲、脫脂奶與否，奶泡都係細密堅挺，入口順滑，勁到一個點飲到杯底之後啲泡都仲未冧落去，我真係懷疑佢係分子料理嚟；而muffin嚿蘑菇雲一樣係爆得咁燦爛，但梳打粉味？一d都冇囉！！
Post
