Shine (Closed)

今日係尖沙咀上完瑜伽堂，就同埋老師一齊嚟食飯，之前已經食過shine嘅午餐同晚餐，覺得質素非常好，今次就帶埋老師一齊再過嚟食啦。餐廳位置好方便呀，成座大廈都充滿着美食，搭電梯上到去，燈光比較昏暗浪漫，環境舒適又高雅，我哋兩個比安排左坐係卡位。「明太子海膽意粉$188」，水準依舊係咁好，我哋上次你都有食啊，真心要推薦！三文魚籽好多，一咬就爆汁，明太子醬好濃郁，成個意粉都好creamy，海膽鮮甜而不苦澀，每一次黎既必叫之選😆😆「香煎挪威三文魚扒配香草忌廉檸檬汁$238」，賣相同擺碟明顯都有精心設計過，煎至外皮金黃色既三文魚扒，咬落又滑又juicy，唔會乾。配碟有忌廉香草汁，煎薯仔塊，雜椒沙津同埋蘆筍，更可以食得出三文魚扒最簡單真摯嘅鮮味！😝今次我哋仲叫多咗個甜品，就係意大利咖啡芝士蛋糕，呢間餐廳嘅Tiramisu ，有好濃郁好厚嘅芝士，咖啡味同酒味都配合得相當好，我哋好快就成個食晒了。好推薦大家去食呀！性價比高，環境舒適，食物質素高，適合情侶/朋友黎食！