金鶴拉麵 (和富道) (Closed)

成條和富道而家多咗好多嘢食，幾經辛苦先至下定決心食拉麵，哈哈。之前喺其他分店已經食過金鶴，招牌濃雞湯拉麵真係令人好驚艷😋，經過和富道發現有新分店，正好有機會回味🤤~~招牌仙鶴掛畫係每一間鋪頭都會見到，唔知係咪因為創辦人特別鍾意呢，鶴應該係吉祥物？！ 呢間新店冇左傳統嘅吧枱，更有凝聚感，方便客人坐埋一齊食。都係講番拉麵。招牌雞白湯濃郁，幼滑，香甜，食過一定返尋味；就算食唔曬啲麵，都會飲曬啲湯，係精華黎架！獨有炸牛蒡都係賣點，增添觀賞性同藝術感，仲有營養價值🤭本身都想試其他款拉麵，不過永遠都係被打敗咗，可見雞白湯拉麵嘅美味係幾咁難以取代😎。友人就豁出去叫咗活燒蒲燒鰻魚飯。友人話：好彩有叫！就係呢個味！就係呢種質素！鰻魚大大塊之餘，肉厚，扎實，唔似膠感或者一咬即散，皮又燒得脆，微焦，口感好好！真係香港少有嘅高質鰻魚飯，本身見價錢都有啲卻步，不過冇得去旅行，終於搵返日本嘅味道🥺。值得一提係串燒，有驚喜！叫咗一份五花腩，wow...香到呢~~ 油脂層燒到有彈性所以完全唔膩，而瘦肉層又唔會太柴，下次可以專注試串燒！金鶴能夠開咁多分店係真係有啲實力，至少雞白湯喺唔同分店依然保持質素。