吉野家 (富華中心商場)

Open Now

Now Closed

尋日(23﹣6﹣2013 Sun）朝，等男友起身後，佢問有冇咩o野節目安排o左？如果冇佢就出尖沙咀剪髮。我答冇，但我都想剪，於是我o地一齊出去。但都要食個晏早餐先，因為都11：35pm喇，我o地o黎呢o度食，因為我o地都唔係咁肚餓，男友就買個$48.80o既芝士番茄牛丼餐，有魚豆腐關東煮同6oz o既百事可樂，另以$9.00買多杯同樣係6oz o既百事可樂，咁小o野就要成$57.80，真係好貴。我同男友每樣分一半o黎食，分好後，其實番茄同牛肉都唔多，撈好後啲飯好濕，番茄味唔濃，牛肉都軟腍o既，呢個好一般。而魚豆腐關東煮呢，我先食兩件正立方體，疑似豆腐o既o野食，咬落去，有啲實，唔係豆腐，原來係魚蛋，呢個冇乜鮮味，而得一件同樣係啡色o既o野呢？係油豆腐，內裡已經唔滑，亦吸唔到湯汁味道，湯都係味精湯啦，因為食完飲完後，覺得杯汽水都唔夠。