湖舟壽司‧小料理 (Closed)

是日老細請食飯, 唔理其他同事意願自把自為揀咗哩到, 因為上次有同事帶我嚟食過, 覺得非常好味. 是日揀咗刺身定食, 好彩果日唔多人, 點解? 因為哩到得一個師傅做嘢, 所以上菜超慢, 慢嘅程度係可以由好肚餓等到非常肚餓之後去到餓過頭已經唔再肚餓啦就有得食啦, 不過因為佢d嘢真係好好味, 所以間唔時等吓都ok. 有味飯上面鋪上滿滿嘅刺身, 淨係睇到d咁靚顏色食物都好開心, 至於味道就一定好到不得了, 蝦爽口彈牙, 三文魚肥美可口, 海膽鮮甜無腥味(覺得香港好難搵到好食嘅海膽), 最後食埋個QQ嘅冷烏冬為哩餐飯畫上完美嘅句號.