Video
Read full review
2019-03-27
288 views
想食泰國菜好自然會聯想到九龍城，事關有好多泰國餐廳都扎根係呢度好多年，隆姐、小曼谷、黃珍珍，隨口講都幾間。今次我就想寫下呢間昭拍耶。昭拍耶呢間餐廳有2間店鋪，第一次認識佢係因為開咗係隆姐附近，而且裝修好靚，係等位嘅時候，個姐姐提議我哋去另一間店，可以唔駛等位。果然；我哋一去到就可以坐低，唔駛等。我哋分別點咗蝦醬炒飯、豬頸肉生菜包、同埋椰青雞湯。蝦醬炒飯唔太重蝦醬味，不過上面隻雞蛋邊炒到金黃色，令到炒飯挽回唔少分👍🏻平時食生菜包都係生菜配粒粒豬肉（打泡豬）估唔到生菜配豬頸肉又夾到，而且豬頸肉本身有小小酸汁，加咗生菜後令人食唔停口。不過講到最驚喜嘅係椰青雞湯。叫嘅時候都抱有懷疑，擔心椰青甜同雞嘅鹹唔夾，但當我飲嘅時候，原來個湯用咗青檸嘅酸中和，令到呢個湯同時出現甜、酸、鹹嘅味道，而飲落去又會令你感覺呢三種味道都好平均。必食之選！
昭拍耶呢間餐廳有2間店鋪，第一次認識佢係因為開咗係隆姐附近，而且裝修好靚，係等位嘅時候，個姐姐提議我哋去另一間店，可以唔駛等位。果然；我哋一去到就可以坐低，唔駛等。
我哋分別點咗蝦醬炒飯、豬頸肉生菜包、同埋椰青雞湯。
蝦醬炒飯唔太重蝦醬味，不過上面隻雞蛋邊炒到金黃色，令到炒飯挽回唔少分👍🏻平時食生菜包都係生菜配粒粒豬肉（打泡豬）估唔到生菜配豬頸肉又夾到，而且豬頸肉本身有小小酸汁，加咗生菜後令人食唔停口。不過講到最驚喜嘅係椰青雞湯。叫嘅時候都抱有懷疑，擔心椰青甜同雞嘅鹹唔夾，但當我飲嘅時候，原來個湯用咗青檸嘅酸中和，令到呢個湯同時出現甜、酸、鹹嘅味道，而飲落去又會令你感覺呢三種味道都好平均。必食之選！
Post
