Video
Read full review
2019-02-15
655 views
環揀左稻穗會隔離嘅壽司喰。店員熱情招待，再誠意推薦左”Kuu” Omakase Menu (“喰”ぉ任せ)，即係交俾大廚決定成用餐FLOW。廚師推介，一定要嗌啦！前菜係海鮮溫泉玉子以及生蠔。蛋嘅熟度啱啱好生熟參半，流質帶D粘著感。海膽新鮮嘅香甜，三文魚籽嘅鹹香，仲有魷魚彈牙口感，再加上適量調味及wasabi，帶出左鮮味嘅強烈衝擊，雖然濃味但又清新，係一味幾具挑戰性嘅前菜。原隻生蠔新鮮肥美，擺盤賣相好別緻，特製調味汁加上少少檸檬汁巧妙咁辟走左生蠔嘅腥味，入口十碎蔥同蘿蔔蓉令鮮味更出眾，比自助餐食到嘅蠔高出一個level。日式料理有個特色，就係由淺入深，先品嚐新鮮，再品嚐濃味。之後到刺身拼盤，由左至右講下：右口魚薄切要點餐廳提供的柚子醬汁，而的而且確，酸酸甘甘對比下先帶得出右口魚鮮甜嘅風味。日本響螺非常新鮮，爽口香甜。牡丹蝦蝦肉飽滿，鮮甜味跟住蝦肉痴住口腔，久久不散。燒金目立同燒油甘魚都激發左油香，但又有D唔同，金目立香滑肉質結實，油甘魚較嫩同痴口，各有千秋。拖羅，一個字，極鮮。赤貝爽口彈牙，越嚼越有鮮味。蝦頭都唔會浪費，享用完刺身會拎去炸，口感似軟殼蟹，仲有蝦膏係入面，正！下一道更加精彩
前菜係海鮮溫泉玉子以及生蠔。蛋嘅熟度啱啱好生熟參半，流質帶D粘著感。海膽新鮮嘅香甜，三文魚籽嘅鹹香，仲有魷魚彈牙口感，再加上適量調味及wasabi，帶出左鮮味嘅強烈衝擊，雖然濃味但又清新，係一味幾具挑戰性嘅前菜。原隻生蠔新鮮肥美，擺盤賣相好別緻，特製調味汁加上少少檸檬汁巧妙咁辟走左生蠔嘅腥味，入口十碎蔥同蘿蔔蓉令鮮味更出眾，比自助餐食到嘅蠔高出一個level。
日式料理有個特色，就係由淺入深，先品嚐新鮮，再品嚐濃味。之後到刺身拼盤，由左至右講下：
右口魚薄切要點餐廳提供的柚子醬汁，而的而且確，酸酸甘甘對比下先帶得出右口魚鮮甜嘅風味。
日本響螺非常新鮮，爽口香甜。
牡丹蝦蝦肉飽滿，鮮甜味跟住蝦肉痴住口腔，久久不散。
燒金目立同燒油甘魚都激發左油香，但又有D唔同，金目立香滑肉質結實，油甘魚較嫩同痴口，各有千秋。
拖羅，一個字，極鮮。
赤貝爽口彈牙，越嚼越有鮮味。
蝦頭都唔會浪費，享用完刺身會拎去炸，口感似軟殼蟹，仲有蝦膏係入面，正！
下一道更加精彩—和牛石頭燒。
餐廳提供一塊燒熱左嘅石頭，將和牛放係上面每面煎5秒就可食用(燒肉個種「滋滋」聲真係好滿足)。調味料選擇都有好多，黑椒鹽、乾蔥、wasabi仲有燒肉汁，可以跟個人口味調整。而本人最主張原汁原味，和牛非常嫩滑，入口即化，香濃牛味迅速攻佔口腔鼻腔，呢道菜真係好食又好玩。之後係雪場蟹豆乳紙火鍋。雪場蟹腳大大隻，多肉又多汁，新鮮得黎又啖啖肉。豆乳鍋湯底十分濃郁，但意外地清淡，配合日本大蔥、昆布、豆腐等蔬菜，更突顯到雪場蟹嘅鮮味，亦可以算係和牛之後唔錯嘅中場休息。
主食最後一項係手握壽司。餐廳跟足日本傳統，入面已經落左少量wasabi同掃左一浸醬油係魚生上面，唔使再點任何野。壽司款式有海膽、拖羅、深海池魚、燒金目立、三文魚包菜壽司。有兩款特別值得一提：深海池魚爽口清新，鮮甜嘅味道比其他魚更出更甜，係本日最新鮮之選；包菜壽司真係第一次食，三文魚切碎加上微辣醬汁刺激味道，生菜再予以中和，一樣食物入面有良性矛盾可以激發食材之間嘅chemistry，帶黎令人煥然一新嘅感覺。
作為結尾嘅係綠茶紅豆布甸+時令蜜瓜+青檸啫哩。蜜瓜係好貴個種日本生果嘅品種，相當香甜多汁，果肉帶香濃蜜瓜味。青檸啫哩酸酸甜甜，用黎抵消蜜瓜嘅激甜帶黎嘅膩感。綠茶布甸有非常香濃嘅綠茶味，布甸奶味豐盈又帶少少苦，同上面甜度高嘅紅豆醬同CREAM相輔相成，交織出令人回味嘅美味，為呢餐放上美好嘅休止符。
老實講，呢餐嘅級數有日本當地日式料理嘅高水準，冇諗過會係香港食到，有D喜出望外。雖然價錢唔平，但為左美食，偶爾都要再黎回味一下！
Post
