Tamarind Pan-Asian Restaurant & Bar (Closed)

之前已經寫過一篇文章介紹左好好味嘅香椒膏大蜆意粉，最近我又去多2次喇，無計啦，食物質素OK，近近地又坐得舒服~~ 咁呢2次我又食左D咩呢？ 前菜 ♥雞肉串燒+泰式蝦餅♥ 蝦餅貫徹彈牙口感，不錯！但係雞肉串燒相比之前的豬頸肉串燒就失色左少少。。肉質不夠滑係主因。。 主菜分別點了♥香汁燒雞肉配時蔬、印式香米飯及烤麥包♥ 同 ♥海鮮喇沙♥ ♥香汁燒雞肉配時蔬、印式香米飯及烤麥包♥ 成個餐都幾豐富，賣相亦吸引。香汁我覺得有少少似紅咖哩+辣油，比我想象中辣，但都係可以接受的程度。雞肉很入味，可惜肉質不夠嫩滑。薯仔味道同燒雞類近，入味又唔硬。熱辣辣的印度薄餅沾醬汁同吃很好味~~塔形的烤麥包很脆，與印度薄餅口感完全相反，雖然特別D，但個人喜歡薄餅多一點。印度米飯比較瘦長，似剪碎左嘅米粉，口感有別於一向食開的白飯，都幾特別。不過又薯仔、又薄餅、又米飯，真係好好好飽。。。 ♥海鮮喇沙♥ 雖然睇落紅卜卜，但係又唔係好辣咋喎~~反而有好濃椰汁味，個人很喜歡椰子、椰皇、椰青的味道，所以覺得個湯底好好味~~不過同行友人就覺得唔夠辣~~至於配料主要都係青口、墨魚仔、蝦同類似魚腐豆卜，份量都不少，魚腐豆卜索晒D湯好