ECF cafe (Closed)

光顧過三次晚餐，三次都好滿意。三次都係叫左dinner set，試過四重奏（羊架，雞，牛，三文魚刺身伴火龍果沙律），芒果忌廉汁龍脷柳。晚餐頭盤可揀湯或沙律，沙律唔係求其生菜加沙律醬，第一次去係雞沙律，雞件烤過，味道唔錯，第二次就係雜菜沙律，呢個就普通左d，湯試過紅蘿蔔忌廉湯，都好味！主菜份量算大，食四重奏時，其實羊架只得一少塊，但侍應亦主動問我要唔要薄荷啫喱及芥末，服務唔錯。芒果忌廉汁龍脷柳，龍脷下面放滿雜菜，仲有好多炸薯塊伴碟，好食之餘都食得健康d！另外小食方面，叫過吞拿魚芝士焗西蘭花，呢個都好味，芝士味唔會太濃！但朋友叫既意粉餐既意粉就林左些少，醬汁都偏淡呢！環境方面幾好，夜晚去，枱上放蠟蠋，都ok浪漫，但當人多既時候，就嘈左d！