HASH CAFE (Closed)

賣相七分，味道三分話說第一次食都已經係半年前既事，仲記得果陣係食燴飯。個飯極度負皮，d米勁硬，果陣唯有安慰自己係意大利風味啦🤦🏿‍♂今日行過女朋友話試一試，皆因早幾個月佢門口有塊公告話佢已經換左主廚。咁咪試一試，但我都係有陰影，唔食飯lu，諗住意粉同通粉都好難伏架啦。點知出色打臉，真係唔好食。我果碗叉燒意，叉燒係好味既，不過居然難食在d意粉，唔只意粉，就連我女朋友碗通粉都出事。我係直頭覺得係佢個牌子出事，通/意食落都係得一個字 粉 。外表睇落無野，但咬幾下，佢就好似麵粉咁散開，口感似d餃子皮未煲熟就放入口咁，粉漿粉糰。我自己真係唔鐘意浪費食物，除左d一條條既粉糰已經全部清哂，真係頂唔住，阿彌陀佛🤦🏿‍♂🤦🏿‍♂其他包or蛋都普普通通啦，奶茶幾好飲既，茶記味。總括黎講，一個字 中伏如果我真係無得揀要去食的話，我會想試下炸薯條同雞翼，依類食品真係看似無得伏，但食過佢d粉同米，已經見識到新世界。相機食得滋味過我系列