武士拉麵 (Closed)

呢間武士拉麵食咗好幾年, 好多款都食過, 拉麵鋪位面積不大, 只有一張 bar 檯, 坐到8-10人左右, 快閃之選。記得放少許店長自家制提香的魚油九州地獄拉麵 ($118加配糖心蛋+$10) 及凍柚子蜜 (加配$10) 齋睇色相, 嚇得吓人, 先呷一口湯, 唔太辣, 湯底洒上大量蔥花, 勁濃杰, 香香辣辣非常惹味, 食火辣辣拉麵當然要配杯冷凍柚子蜜下下火啦。 帶淡淡滷水香的流心蛋也是滑溜溜的, 簡單美味。四大片半肥瘦相隔的日式叉燒, 油香滑溜, 瘦的部分也不覺嚡口今次叫了硬幼拉麵試,  個人食麵比較喜歡吃硬的, 最怕腍, 這裡的拉麵非常出色, 拉麵爽口彈牙, 完全沒有皂水味及雜味, 但都係覺得硬粗拉麵入口質感比硬幼正啲, 下次要食番硬粗。