Video
Read full review
2009-05-26
125 views
哈哈...大家好!又係我May Lam呀,又有d嘢想同大家分享下呀...上次同班同事去完呢間餐廳食set lunch覺得唔錯,走果陣有位哥哥好nice咁話佢地sat同sunday 有個食點心嘅Yum Cha Brunch叫我地去試下,反正今日放假,米同男朋友仔去試下咯,諗住食完仲可以順便係出面影下相,因為石板街幾特別幾靚,上次去果陣都見到有幾pair人係道影結婚相..哈..感覺都幾浪漫.. 同男朋友Tony十二點半去到,點知已經坐左七成人,靚仔經理Michael竟然認得我,話yum cha brunch12點開始,叫我下次考慮下訂位, 我話..哈哈...下次先算喇,等我試埋你地個brunch先講喇!佢安排左我地坐低之後就去左忙,有位哥哥埋呢話今日佢地做dim sum brunch 128蚊,咁 menu 上果三十款點心任食,又或者可以單獨咁叫,我地揀左128任食,因為menu上嘅點心都幾吸引,有d係飲茶都未食過嘅,咁梗係咁箸數d喇!哈哈!ok...揾d嘢飲先,Tony叫左杯做緊promotion嘅Bloody Mary,我就叫左杯Virgin
同男朋友Tony十二點半去到,點知已經坐左七成人,靚仔經理Michael竟然認得我,
話yum cha brunch12點開始,叫我下次考慮下訂位, 我話..哈哈...下次先算喇,等我試埋你地個brunch先講喇!佢安排左我地坐低之後就去左忙,有位哥哥埋呢話今日佢地做dim sum brunch 128蚊,咁 menu 上果三十款點心任食,又或者可以單獨咁叫,我地揀左128任食,因為menu上嘅點心都幾吸引,有d係飲茶都未食過嘅,咁梗係咁箸數d喇!哈哈!ok...揾d嘢飲先,Tony叫左杯做緊promotion嘅Bloody Mary,我就叫左杯Virgin Mule嘅cooler...杯嘢飲裡面有coriander同ginger再加ginger beer,好香,好醒神,啱晒唔係好夠瞓嘅我,Tony就話佢未飲過咁正嘅Bloody Mary喎!哈哈...有無咁誇張呀!??哈...點知佢話有喎,佢話第一啖就勁重vodka味,跟住搞混之後就好重香料味,garnish有紅椒仔同garlic好靚,份量十足,超掂喎!
跟住第一round食物我地叫左泰式粥,泰式魚餅同蝦餅,pock hock,corn cake,泰式雞脚沙律,全部都係飲茶比較小食到嘅嘢,泰式粥煮得好綿,加薑絲葱花,清清地幾好,魚餅,蝦餅熱辣辣兼好彈牙,pock hock同corn cake脆卜ト個汁酸酸甜甜幾醒胃!雞脚沙律好地道,再呢第二round蝦餃,燒賣,腐皮卷,蒜蓉蒸魷魚同beef satay,全部都做得幾好,上枱果陣熱辣辣,用料好新鮮,睇得出係有誠意即叫即做嘅!最後食埋個椰汁西米露配大樹菠就飽晒嚕...!哈..仲有好多款未試添!下星期試埋佢...今次Tony埋單,連加一大概400蚊,食到好飽,d嘢又好味,仲有Bloody Mary飲,佢話好多地方飲倆杯cocktail都200蚊喇,呢道200蚊食飽之餘仲有超正cocktail飲,勁超值喎!仲話記得攞個電話下次帶d朋友呢可以先訂枱喎!
Post