老鳳冰室 (Closed)

第二次去食對於葵芳嘅老鳳冰室，去葵廣唔食小食其實都有其他選擇。今次星期一7:30去，人流冇上次咁多，兩個人可以坐四人卡座，坐得比上次舒服好多😌。第二次去，當然要點d上次冇食過嘅嘢。蝦多士（$38）蝦多士炸得香脆唔油膩，但一定要點上中間的千島醬，酸酸甜甜，點埋食冇咁乾之餘味道會豐富d。蝦膠唔算薄，但未夠彈牙🍤。中間仲有一碟仔沙律，味道都都算係咁啦。安格斯牛腩撈一丁（$48）個麵跟一塊牛油多士🍞，多士烘得香脆👍🏻。麵嘅醬汁份量唔少，味道香濃帶微辣🌶。牛腩大約有六件，還帶有牛筋，同樣入味濃郁，口感軟腍但未夠嫰滑。公仔麵煮得有點腍🍜，重口味的邪惡組合，味道還算不錯。焗茄茸豬扒保齡球（$68）豬扒鬆軟入味，而且有三塊，好夠食🐖。大型豬仔包內仲隱藏咗d飯，加埋芝士同番茄🍅一齊食，味道真係唔錯，但飯就真係得兩啖🍚，比較少😂。豬仔包焗得鬆脆唔死實🍞，重點係加埋個流心芝士汁落去，有芝味又唔會膩🧀。唔夠芝士汁仲可以問店員拎多一碟仔，清晒成個包冇難度啦😆🤘🏻！飛仔華田（跟餐加$14）飛仔華田味道濃郁🍫，忌廉輕盈像泡沫，上面還加有朱古力脆片，層次感豐富，好好飲呢😋