Video
Read full review
2008-08-17
30 views
懶左一排無寫到食評, 今日肯坐係電腦前寫呢篇食評食因為我要講: 呢間店好值得來食呀~~~~~~其實當係雜誌睇到呢間店既介紹時巳很想黎食, 之前曾訂過一次位, 但因為太大雨而被逼取消, 直至上星期某日同個同事傾開大家最感興趣既話題: 食~ 佢問我有無試過呢間先突然諗起, 即刻約番上次原本約好的朋友同埋老公一齊再試, 訂位時間有二輪6:45-8:15; 8:15-11:00, 另外9點後有九折, 但我唔想咁夜食所以打去問可否7點, 聽電話既小姐幫我查完訂枱情況後都肯俾我呢個時間, 但要9點交枱~滿心期待的呢日終於來到, 我竟然有事遲到, 7點還係巴士上, 唯有打電話去推遲到8點, 8點準時去到, 好口渴呀, 即刻點左青檸梳打先, 有幾多食物選擇, 第一輪點左最想食的: 炸蝦餅, 炸粟米餅, 燒豬頸肉, 燒雞, 冬陰公湯, 辣椒膏炒蝦, 明爐燒魚, 嘻嘻~ 點左好多野呀~等了一陣, 野飲到, 我同朋友一致認為青檸梳打無咩味, 梗係, 得一片青檸係入面, 但試過老公的柑桔水好味好多喎, 見到隔離枱的龍眼冰及珍多冰好似都唔錯, 即刻叫過啦~ 美食一一上枱,好彩呢度的食物份量會根據人數決定,最先黎
其實當係雜誌睇到呢間店既介紹時巳很想黎食, 之前曾訂過一次位, 但因為太大雨而被逼取消, 直至上星期某日同個同事傾開大家最感興趣既話題: 食~ 佢問我有無試過呢間先突然諗起, 即刻約番上次原本約好的朋友同埋老公一齊再試, 訂位時間有二輪6:45-8:15; 8:15-11:00, 另外9點後有九折, 但我唔想咁夜食所以打去問可否7點, 聽電話既小姐幫我查完訂枱情況後都肯俾我呢個時間, 但要9點交枱~
滿心期待的呢日終於來到, 我竟然有事遲到, 7點還係巴士上, 唯有打電話去推遲到8點, 8點準時去到, 好口渴呀, 即刻點左青檸梳打先, 有幾多食物選擇, 第一輪點左最想食的: 炸蝦餅, 炸粟米餅, 燒豬頸肉, 燒雞, 冬陰公湯, 辣椒膏炒蝦, 明爐燒魚, 嘻嘻~ 點左好多野呀~
等了一陣, 野飲到, 我同朋友一致認為青檸梳打無咩味, 梗係, 得一片青檸係入面, 但試過老公的柑桔水好味好多喎, 見到隔離枱的龍眼冰及珍多冰好似都唔錯, 即刻叫過啦~ 美食一一上枱,好彩呢度的食物份量會根據人數決定,
最先黎既係辣椒膏炒蝦, 不太熱明顯係一早炒好, 但好入味, 大家一致認為好好味, 要再叫, 因為我地三人得三隻蝦~
再來的炸蝦餅熱辣辣, 係新鮮炸起, 好好味呀~~~大家一路食一路稱讚~炸粟米餅都好好味, 見到一粒粒粟米係入面;
再來的燒豬頸肉同燒雞都好好味, 冬陰公湯夠辣夠酸, 我鍾意,
明爐燒魚係成條魚上, 但味道一般~咖喱炒蝦明顯比辣椒膏炒蝦失色, 因為無咖喱味, 又不辣~
食到咁上下即刻展開第二輪功勢, 叫番辣椒膏炒蝦, 飛天炒通菜, 我想試泰式炒金邊粉, 但另外二位話開始飽唔贊成叫, 但我一意孤行選左, 再來一客鴨胸肉~紅咖喱雞及一客簿餅~
飲啖珍多冰, 好香既椰汁味, 好好味, 但老公唔鍾意椰汁味, 覺得龍眼冰最好味~
飛天通菜熱辣辣炒起, 好入味, 我地食到竪起手指, , 鴨胸肉都唔錯, 紅咖喱雞的汁好好味, 但雞唔入味, 但遲遲都未見簿餅上枱, 我點的炒金邊粉上枱囉~~一陣難以抗拒既香味迎面而來, 的色澤都好正路, 引到另外兩個反對我叫的人都提起筷子夾來食, 見到冒著煙就知又係即刻炒起的, 我都未食隔離的朋友巳大叫: 好好味呀~~好彩你有叫者~ 佢講得無錯, 真係好正宗的味道, 好好味~但入面的雞肉就無人吼~, 因為無味的~
再來的簿餅熱辣辣的, 點紅咖喱簡直一流, 一定要叫呀~
三個人一路食一路讚, 大家一致認為好好味好抵食, 因為味道真係幾正宗, 比起好多所謂的泰國餐廳好味好多, 最正係飲品都係任飲, 我地三人一人飲左三杯, 見到隔離枱四人還利害, 一路不停咁叫~
總結: 好味的~~龍眼冰, 珍多冰最好飲~ 辣椒膏炒蝦, 簿餅, 泰式炒金邊粉, 飛天炒通菜, 冬陰公湯, 炒蝦餅, 燒豬頸肉,
一般但食得過的: 鴨胸肉, 紅咖喱, 燒雞~
唔好味的: 辣椒膏炒青口, 明爐燒魚, 串燒
真係好好味~ 相信好快又會再來
Post