Video
Read full review
2024-08-31
826 views
放工約咗Agent睇樓，睇完係堅地搵嘢食，係門口望入去依間餐廳環境好舒服、裝修都別緻，好耐都無食尼泊爾菜就試下🇳🇵～同職員傾計先知原來餐廳係2019年因疫情結業😞，近2個月重開，食到一半主廚都出嚟打招呼問下味道如何😋？真心味道真係好好👍🏻職員都好好招呼，依種味道同態度好值得大家留港消費❤️🥠印度酸奶脆球 $48每次食尼泊爾菜都會叫嘅香口小食，酸酸甜甜勁開胃，脆球內有水煮薯仔+洋蔥餡再注入滿瀉酸奶醬，紅石榴係點精之筆，增加口感之餘咬爆果下酸味好fresh！🐷西古瓦燒烤豬肉串 $98小食一定要食下串燒la，見個名咁特別就試下，以為係一串串，原來已經燒好放係碟方便食。豬肉好軟滑醃肉醃得好入味，點醬食更有異國風味，原來醬汁係尼泊爾風味辣醬，少少辣更惹味🥟招牌拌餃「 $68(5隻)/$98(10隻)見到招牌就要試試，Sauce係彩椒洋蔥甜辣撈汁，第一次食撈餃，煎餃再「索」滿醬汁超入味，每隻餃子都包入滿滿雞肉，價錢好抵食！🥔咖喱薯仔椰菜花$88咖喱都係異國菜必試～今次嘅醬汁仲係由主廚特製，夾Naan食味道更突出！軟淋淋薯仔及椰菜花夾入薄脆餅，口感同味道互相加分！🧄Naan $38我揀咗蒜蓉口味，即叫
同職員傾計先知原來餐廳係2019年因疫情結業😞，近2個月重開，食到一半主廚都出嚟打招呼問下味道如何😋？真心味道真係好好👍🏻職員都好好招呼，依種味道同態度好值得大家留港消費❤️
🥠印度酸奶脆球 $48
每次食尼泊爾菜都會叫嘅香口小食，酸酸甜甜勁開胃，脆球內有水煮薯仔+洋蔥餡再注入滿瀉酸奶醬，紅石榴係點精之筆，增加口感之餘咬爆果下酸味好fresh！
🐷西古瓦燒烤豬肉串 $98
小食一定要食下串燒la，見個名咁特別就試下，以為係一串串，原來已經燒好放係碟方便食。豬肉好軟滑醃肉醃得好入味，點醬食更有異國風味，原來醬汁係尼泊爾風味辣醬，少少辣更惹味
🥟招牌拌餃「 $68(5隻)/$98(10隻)
見到招牌就要試試，Sauce係彩椒洋蔥甜辣撈汁，第一次食撈餃，煎餃再「索」滿醬汁超入味，每隻餃子都包入滿滿雞肉，價錢好抵食！
🥔咖喱薯仔椰菜花$88
咖喱都係異國菜必試～今次嘅醬汁仲係由主廚特製，夾Naan食味道更突出！軟淋淋薯仔及椰菜花夾入薄脆餅，口感同味道互相加分！
🧄Naan $38
我揀咗蒜蓉口味，即叫即整熱辣辣上台，咬開好香蒜蓉味，淨食薄餅都好食，夾咖喱食更出色
🥘咖喱雞套餐 $158
每份套餐有肉類(自選)、印度香米、蔬菜咖喱伴碟、扁豆湯、酸奶、酸青瓜、沙律，一份有齊尼泊爾塔里主食，想體驗尼泊爾人平日嘅常餐就要試試。我覺得依個套餐有齊我想食嘅美食真係一次過滿足所有願望，咖喱好出色搭飯食好開胃(d飯好香㗎)，仲有青瓜、沙律等幫助消化，我發覺我幾鍾意尼泊爾膳食，有菜有肉有飯有豆等都真係好健康！
🌹尼泊爾風味玫瑰果子配酸奶 $48
食到咁飽飽，第二個胃係時候出動！上枱見係黃色以為叫錯，原來唔係真係黃色，果子軟糯、好香玫瑰味，整體比較甜，酸奶中和下就剛剛好
🥥Coconut Lassi $38
入口幾特別香甜椰子+酸乳酪味，每啖都酸甜酸甜咁間隔著，平時飲開Mango Lassi，椰子Lassi都好飲
🥭Mango Lassi $38
朋友叫咗Mango Lassi，一貫Mango Lassi 口味，甜甜香芒好fresh，芒果Lassi 真係去邊個國家都好飲！
KTM Nepalese Restaurant
📍地址：堅尼地城加多近街71號
Post
