Video
Read full review
2016-08-01
4647 views
對於印章大好既餐廳，我有一個習慣就係會搜尋定佢嘅分店，睇吓平時如果去開附近食飯，可以再次光臨佢嘅分店。甘做一來唔會冒險去錯啲唔好食嘅餐廳，二來對於個集團嘅食物質素、價錢都已經有咗基本嘅好感，實唔會揀錯地方。所以今次係延續上次係Bistronomique 西環店嘅開心經歷，而選擇左佢嘅蘇豪店！餐廳外面寫着午餐由108起，幾優惠喎！選擇咗一個靠近街嘅位置坐低，光猛嘅光線令成間鋪，睇上去好有活力。店員遞上今日嘅午餐，選擇非常簡單----前菜、主菜、餐飲同甜品四部曲。首先食左佢熱辣辣嘅餐前麵包。法國包做得唔錯，又脆又夠熱，搽上牛油即溶在面包，creamy!前菜揀咗吞拿魚。只煎香左嘅吞拿魚外層，入面係柔軟魚肉， 配合洋蔥、番茄同小小帶辣嘅香料，好開胃、好清新。主菜我選擇咗七成熟嘅美國安格斯牛扒。雖然午餐已經食牛扒好似好重口味，但係好食嘅牛扒，想食又點會分時間呢？呢個牛扒做得唔錯。首先佢嘅肉質柔軟，煎香到七成熟仍然唔韌，有效咁鎖住肉汁。邊位帶少少牛根，更好嚼。加少少黃芥末，好合味道！飯後黎個熱檸水助消化，外加＄30叫咗個雪梨撻，清清甜甜嘅飯後水果，同朋友傾吓計，優悠自在！SOHO就係俾人有呢種悠閑
甘做一來唔會冒險去錯啲唔好食嘅餐廳，二來對於個集團嘅食物質素、價錢都已經有咗基本嘅好感，實唔會揀錯地方。所以今次係延續上次係Bistronomique 西環店嘅開心經歷，而選擇左佢嘅蘇豪店！
餐廳外面寫着午餐由108起，幾優惠喎！
選擇咗一個靠近街嘅位置坐低，光猛嘅光線令成間鋪，睇上去好有活力。店員遞上今日嘅午餐，選擇非常簡單----前菜、主菜、餐飲同甜品四部曲。
首先食左佢熱辣辣嘅餐前麵包。法國包做得唔錯，又脆又夠熱，搽上牛油即溶在面包，creamy!
前菜揀咗吞拿魚。
只煎香左嘅吞拿魚外層，入面係柔軟魚肉， 配合洋蔥、番茄同小小帶辣嘅香料，好開胃、好清新。
主菜我選擇咗七成熟嘅美國安格斯牛扒。
雖然午餐已經食牛扒好似好重口味，但係好食嘅牛扒，想食又點會分時間呢？呢個牛扒做得唔錯。
首先佢嘅肉質柔軟，煎香到七成熟仍然唔韌，有效咁鎖住肉汁。邊位帶少少牛根，更好嚼。加少少黃芥末，好合味道！飯後黎個熱檸水助消化，外加＄30叫咗個雪梨撻，清清甜甜嘅飯後水果，同朋友傾吓計，優悠自在！SOHO就係俾人有呢種悠閑嘅感覺同落到中環市中心既壓抑完全唔同！
Post
