Mee...lemongrass (ac四期) (Closed)

屋企人話想試試香港仔新開嘅馬來餐廳。來到香港仔中心商場，一望新開嘅店原來係之前喺銅鑼灣已經食過嘅 Mee Lemongrass. 揀咗兩個午餐套餐再加小食。炒貴叼有點驚喜，食得出有少少蝦醬鹹香同埋香料味，有啲似係新加坡食嘅風味。海南雞喇沙個湯底比較重椰漿味。見到隔離枱嘅人特登隔開啲粉同喇沙湯嚟食。似乎對佢哋來講有啲辣，不過我覺得啱啱好。套餐跟嘅都係海螺沙律。小食叫咗個泰式炸蝦餅，上枱時熱辣辣，味道不過不失。