Video
Read full review
2023-01-10
179 views
之前黎過元朗呢間餐廳食蒸海鮮，食完之後一直念念不忙，同埋上次黎知道星期六日有live band，今次專登揀咗星期六返黎encore，不過今次決定試另一個餐。人氣龍蝦海鮮餐是日精選老火湯杞子蟲草花蒸雞龍蝦（半隻）日本元貝(1隻)肉蟹（半隻）蟶子（1隻）鮑魚（1隻)本地生蠔（1隻)海中蝦（2隻）沙白(1份）蜆（1份）蒸選時蔬（任食）海皇粥底精美甜品今次門口幾個透明缸放嘅位置唔同咗，不過啲海鮮一樣咁多咁生猛，店員會俾張紙仔你出去夾海鮮，跟返紙仔嘅數量去夾，夾完就交返俾店員幫手處理，我就夾左兩隻鮑魚、兩隻生蠔、1隻蟹同1隻龍蝦。夾完海鮮返去店員就已經拎左老火湯同杞子蟲草花蒸雞俾我哋，老火湯味道濃郁，飲得出係真材實料，一邊飲就一邊等啲雞蒸熟，好快就過咗十分鐘，啲雞就蒸熟咗，雞肉好嫩滑，吸收曬蟲草花既香氣，味道鮮美。係食緊雞嘅期間，海鮮拼盤就到左，見到全部海鮮都處理得好乾淨，枱面會有教學教蒸各種海鮮需要既時間，吾洗怕蒸過時，海鮮入口鮮味十足，由其是肉蟹，多肉又多膏，真係食到停吾到口。自助區有蒜蓉、蔥、芫茜、辣椒、豉油等調味料，加埋調味料，帶出曬海鮮既鮮味，仲可以拎粉絲自製蒜蓉粉絲蒸扇貝添！今次食完
人氣龍蝦海鮮餐
是日精選老火湯
杞子蟲草花蒸雞
龍蝦（半隻）
日本元貝(1隻)
肉蟹（半隻）
蟶子（1隻）
鮑魚（1隻)
本地生蠔（1隻)
海中蝦（2隻）
沙白(1份）
蜆（1份）
蒸選時蔬（任食）
海皇粥底
精美甜品
今次門口幾個透明缸放嘅位置唔同咗，不過啲海鮮一樣咁多咁生猛，店員會俾張紙仔你出去夾海鮮，跟返紙仔嘅數量去夾，夾完就交返俾店員幫手處理，我就夾左兩隻鮑魚、兩隻生蠔、1隻蟹同1隻龍蝦。
夾完海鮮返去店員就已經拎左老火湯同杞子蟲草花蒸雞俾我哋，老火湯味道濃郁，飲得出係真材實料，一邊飲就一邊等啲雞蒸熟，好快就過咗十分鐘，啲雞就蒸熟咗，雞肉好嫩滑，吸收曬蟲草花既香氣，味道鮮美。
係食緊雞嘅期間，海鮮拼盤就到左，見到全部海鮮都處理得好乾淨，枱面會有教學教蒸各種海鮮需要既時間，吾洗怕蒸過時，海鮮入口鮮味十足，由其是肉蟹，多肉又多膏，真係食到停吾到口。
自助區有蒜蓉、蔥、芫茜、辣椒、豉油等調味料，加埋調味料，帶出曬海鮮既鮮味，仲可以拎粉絲自製蒜蓉粉絲蒸扇貝添！
今次食完海鮮就已經好飽，所以就無係自助區拎蔬菜，雖然好飽，但點都要試下個粥底，配料有南瓜、芋頭同豬骨，粥底吸收曬海鮮既精華，我地仲專登留返蟹蓋嘅蟹膏加入碗粥到，真係特別鮮甜。最後就食返個芋頭西米糖水作總結，真係十分滿足！
Post
