金拇指米線 (福至工業大廈)

Open Now

Now Closed

自從上次食過紅磡廣場嗰間金帽子米線之後，一直都心思思好想再去食嗰度嘅酸辣米線同埋佢好好味嘅豬大腸。今次我都係叫咗酸辣米線揀微辣。叫咗豬潤，雞翼同埋豬大腸。我媽咪就叫咗清湯米線，加魚蛋，肥牛，雞扒，豬腸。本來想叫豬軟骨同豬頸肉，不過冇晒。清湯米線小朋友都好岩食。首先講吓豬大腸依然好好味，每舊都係大大嚿，仲有秘製醬汁整，好入味。雞扒都係好抵食，有三舊，同埋雞扒都好厚身。飲品方面，如果跟菊花蜜不用加錢，都不錯。提提大家，呢度門口有幾級樓梯，如果拎bb車，就要抬幾級，不過餐廳入面座位多，又闊落，都坐得幾舒服。