牛摩 (荃灣千色匯I) (Under Renovation)

果然一小時好難有新紀錄，上次四份，今次四份半？時間太趕好難認真數，可能見我可憐，過咗一、兩分鐘都照出份細俾我，你客氣問我夠唔夠，我都唔好意思再加啦！今次係白味噌同期間限定竹蔗茅根湯底，點都唔會健康，兩舊肉落去就變哂色。但竹蔗茅根真係厲害，明明屋企都用過嚟做湯底，但通常都食唔到咩嘢味，亦可能煲細，火力又夠，就算只能加清湯，食到尾喲牛都仲帶有佢嘅清甜！今晚超多人，同上次感覺唔同，一入場員工已開始收尾，人見得到，但理到你比之前仲少，所以開始個個自己加湯，只求你快啲上肉！而肉嘅水準比之前穩定，都係偏厚，但每片大大塊又整齊，唔同之前次次切法唔同，好似抽獎梗，亦只有第尾那份細比較亂同一份中間未融雪。火鍋料一樣唔補，前菜、蛋糕，雪糕同汽水都保持到最尾有加到，全部統一十點截單，即係無論你食正價定特價，九點定九點半入，都係過個時間找數，但之後就唔理你坐到幾時，出面啲嘢未清都可以照攞，應該搞好哂其他先趕客吧？今次隔離枱都有高手，原來唔同出面，無限你幾人每次加幾份，唔太過份一次可以叫幾份，學到野，下次唔好浪費張枱嘅空間我都兩份起叫，費事一份份等浪費時間。但都要食得哂！有枱就唔知為嘜最尾見無得加肉就放一堆丸落