Rimi Cafe (Closed)

之前黎食過覺得唔錯，帶朋友再次黎食野聚下舊，哩個立體字真係不錯。cafe必備既各式game。今次真係好好彩，有軟墊座位，不過入座前一定要先除鞋，揀左個2人套餐$318，某d款式要補差價。餐湯&蒜包，包焗得好脆口。Oreo碎朱古力。榛子朱古力，味道好似繽紛樂朱古力，好正。芝士焗香檳芥茉汁牛肉飯，芝士鋪滿整個飯，又做到拉絲效果，視覺已經好吸睛，牛肉好軟腍。煙三文魚薄餅，三文魚有鹹香味，pizza餅底亦焗得好脆，而且仲有好多茄汁醬。芥末雞中翼，共6隻，炸得好脆卜卜，配埋芥末醬好好食。