M3 Italian (Closed)

河畔附近有間意大利餐廳，之前吃過晚餐都好滿意，今天星期日來到食set lunch，有好多選擇。一行七人有幾個小朋友，點了六個午餐，午餐包湯或沙律，兩樣都試試。今日餐湯是粟米忌廉湯，沙律比較出色，用咗黑醋，多種蔬菓。煙鴨胸大蒜意大利飯，軟淋淋的感覺，小朋友都喜歡。香辣番茄鮮蝦天使麵，蝦夠新鮮，唔辣，小朋友都食到。意大利蘑菇薄餅，仲薄過餅乾，脆卜卜，蘑菇又香又甜。烤美國西冷牛扒紅酒燒汁配飯，另一個配意粉，牛扒有口感，店員見我們小朋友多，替我們決定了差不多全熟，好彩都唔韌。仲有香煎紅鯛魚柳伴蜜糖豆及蕃茄忌廉汁薯蓉，薯蓉加了牛油，好香。