Video
Read full review
2018-12-27
95 views
我同我個朋友都係好鍾意食日本野，咁岩係日本去完旅行番黎，仲係對日式料理念念不忘，之前黎呢到食過覺得幾好，於是我就同我朋友黎左呢到再次光臨~黎到大約20：00左右，入面已經爆場，同之前一樣咁受歡迎我地兩個人咩都想食，於是由前菜到甜品都分別叫左少少先上嘅香芒燻鴨胸沙律，一片片嘅燻鴨胸下墊上芒果同沙律菜燻鴨胸夾上香甜嘅芒果肉一齊食，呢兩樣眼睇一啲關係都無嘅食物放埋一齊，估唔到有意外驚喜，一甜一鹹嘅配搭，味道非常匹配，睇得出餐廳都花左唔少心思係設計配搭上，沙律菜亦都好新鮮，為我地呢一餐開始左一個好嘅開頭，對之後啲美食更加充滿期待。黑松露香芒甜蝦卷香濃嘅黑松露味道，配上香芒同甜蝦，味道鮮甜可口，一口一件，好滿足喔~到左冬天試問有邊個唔想食火鍋呢，冬日期間限定-赤味噌麻辣鍋，包括安格斯牛肉、黑豚肩肉、土雞、福袋、雜菜等，非常豐富，見到有咁多野食，都忍唔住流口水唔好比佢個名嚇親就以為佢會好辣，湯底甜甜地，就算唔食得辣嘅朋友仔都可以食我地先落左雜菜吸收湯底嘅味道再慢慢品嚐肉類，安格斯牛肉雪花分怖平均，淥8秒左右就岩岩好，肉質嫩滑，好香牛味。黑豚肩肉同土雞都非常有彈性，土雞仲用左黑椒等香料調味，更加香口
黎到大約20：00左右，入面已經爆場，同之前一樣咁受歡迎
我地兩個人咩都想食，於是由前菜到甜品都分別叫左少少
先上嘅香芒燻鴨胸沙律，一片片嘅燻鴨胸下墊上芒果同沙律菜
燻鴨胸夾上香甜嘅芒果肉一齊食，呢兩樣眼睇一啲關係都無嘅食物放埋一齊，估唔到有意外驚喜，一甜一鹹嘅配搭，味道非常匹配，睇得出餐廳都花左唔少心思係設計配搭上，沙律菜亦都好新鮮，為我地呢一餐開始左一個好嘅開頭，對之後啲美食更加充滿期待。
黑松露香芒甜蝦卷
香濃嘅黑松露味道，配上香芒同甜蝦，味道鮮甜可口，一口一件，好滿足喔~
到左冬天試問有邊個唔想食火鍋呢，冬日期間限定-赤味噌麻辣鍋，包括安格斯牛肉、黑豚肩肉、土雞、福袋、雜菜等，非常豐富，見到有咁多野食，都忍唔住流口水
唔好比佢個名嚇親就以為佢會好辣，湯底甜甜地，就算唔食得辣嘅朋友仔都可以食
我地先落左雜菜吸收湯底嘅味道
再慢慢品嚐肉類，安格斯牛肉雪花分怖平均，淥8秒左右就岩岩好，肉質嫩滑，好香牛味。
黑豚肩肉同土雞都非常有彈性，土雞仲用左黑椒等香料調味，更加香口惹味又不失雞肉嘅鮮味。田樂麵豉燒日本米茄子，味道甜甜地，有啲似花生醬嘅味道，好惹味
而且可以保留茄子嘅JUICY，燒得恰到好處。
脆脆燒三文魚皮，每件都脆卜卜，比起一般魚皮有更香嘅魚味，可以點上沙律醬，味道更加惹味。
到最後出場嘅嶡餅白玉宇治抹茶雪糕，雪糕有好香濃嘅抹茶味，入口好香滑，仲散發出抹茶嘅甘甜味，雖然係雪糕但一啲都唔滯，嶡餅同白玉好煙韌，次次黎到都一定要食，咁先夠完美。
Post
