中國冰室 (Closed)

今日途經旺角，突然諗起呢間懷舊冰室，就行咗去食嘢了。入到門口，見到地下果層全坐滿，店員就叫我上2樓坐吧。上到去坐低，望望餐牌，決定試下佢個星洲炒米，再叫埋杯上次都記得好好飲嘅凍奶茶。等左大約10分鐘左右，星洲炒米就到了，好香好香。立即放入口試試，呢度嘅星洲米炒得非常嘢未，辣味十足，米粉炒得好乾身唔會話濕粒粒，配料亦十分多，不過就需要一路食一路係咁飲嘢，因為我自己本身唔太食得辣，下次再食嘅時候一定要記得嗌佢小辣。而杯凍奶茶當然冇令我失望非常好飲。