8b Dolce (Closed)

無錯，唔夠一星期，小弟又來寫食評，因為父親大人買了其他食品，所以再次上來。今日買了小甜圈和芝士撻，又睇下得唔得。牛油紅豆真的是一舊牛油加紅豆，蛋糕鬆軟，紅豆甜，但一口牛油唔係個個頂得順，除非您喜歡菠蘿油原味小甜圈的牛乳比蛋卷的牛乳柔軟細膩好多，完全是兩種感覺。雙層芝士其實沒那麼分別，不論味道，顏色，但細細感覺到上層比較軟身，而雪過的撻底沒有林，仲十分好食，啖啖芝士加上撻底，少食多芝味多食就會十分滯。食晒兩種之後真係十分飽，晚飯都唔想食，如果大家想做飯後甜品就要留下肚。今次兩款食品感覺比蛋捲底食，唔會有一陣風的感覺，實實在在的。最後不得不讚那些貼心提士紙，那是一個有心做好食物的要素之一。