吉祥冰室 (Closed)

第二次嚟食呢間開業冇耐嘅冰室，貪佢光猛新淨得嚟無論門面內櫳裝修定枱枱凳凳都有懷舊feel。轉咗新嘅餐牌，聽店員講講廚師都換咗批，食物質素同味道更好。窩蛋免治牛肉飯$56餐牌推介，首先不得不講嘅係份量真係好多，無論飯定係肉。汁唔會太杰同粘口，甜甜哋好開胃，同雞蛋撈勻白飯一齊食，口感好滑，味道都唔錯。避風塘星洲炒米$58炒得好香口，各種配料亦足料，米粉比較乾身唔會好油膩，味道適中唔重口。精髓係避風塘風味嘅炸蒜蓉，焦香甘口，脆得嚟唔燶，又帶有小小辣味，撈埋米粉一齊食，無論口感味道都得到提昇。