樺得園 (Closed)

星期六午餐，去九龍城樺得園，已經第二次光顧。人比較多要等位，要留電話號碼頭四個數字留位，等咗大概十分鐘就有位喇。等緊嘅時候已經聞到好香嘅煎漢堡味， 食慾大增 蘑菇湯有粒粒嘅蘑菇係湯中，但係個湯亦都好creamy，唔會水還水，不錯。今次試下生酮同低碳都好適合食嘅：金文拔芝士漢堡包。金文拔芝士牛肉漢堡一塊正宗金文拔芝士，呈圓餅形，表面帶白黴菌，通常會連皮吃。Creamy 的芝士酥香軟滑，味道層次豐富，細心吃會嚐到蘑菇、牛油、松露，甚至是炆椰菜的味道，和一般在超市買到似橡膠的「芝士」非常不同。用金文拔芝士夾住牛肉漢堡，有生菜、番茄、 芝士加上醬汁，整個配搭好juicy。因為芝士有外皮， 裏面軟滑，幾適合代替麵包皮。 漢堡有兩層，肉質比較紮實。 一啖係咬唔曬成個漢堡包，要用刀叉分層去食。西冷牛扒拼薯條 西冷牛扒好大塊，係比較薄身嘅，味道好濃沃，調味好足夠。 但有部分肉會比較結實。 薯條新鮮即炸，內脆外軟，好味。