Video
Read full review
2023-09-17
11 views
同朋友太耐冇見，為咗慶祝佢升職加人工，所以搵咗一間高質拉麵店帶佢去試下，呢間餐廳我已經係第二次幫襯，最欣賞佢哋每日用10個鐘用超過100斤新鮮豬骨黎熬製湯底，麵條仲要日本直送，確保質量。餐廳位於尖沙咀鬧市之中，地點都好容易搵，座位唔算好多，裝修同一般嘅日式拉麵店差唔多，特別嘅係擺放咗好多Bearbrick figure，可以俾人打卡影相。入返正題，今日我哋好幸運可以食到每日限定10碗嘅龍蝦拉麵，龍蝦係原隻澳洲龍蝦，好大隻，上枱嘅時候有震撼到。蟹肉好厚身，而且好鮮甜彈牙👍🏻 龍蝦湯底超濃郁，配菜除咗黑木耳、味付荀、溫泉蛋和紫菜之外，仲有細蝦乾，令味道更加濃郁，粗身嘅麵條掛滿左龍蝦湯底，忍唔住連湯都飲埋。柴郎君- 鰹魚醬油拉麵呢款拉麵喺用細麵同鰹魚醬油做湯底，配有黑毛豬，豬肉片肥瘦均勻，肉質柔軟粉嫩，處理得好好。湯底魚味好香濃，每吃一口麵上都沾上魚鮮味，湯就咁飲都好清甜，怕魚腥味嘅人都可以試吓。 溫泉蛋冷豆腐呢個冷盤相當出色，溫泉蛋釀左係豆腐裏面，食嘅時候用匙羹一嗶，溫泉蛋嘅蛋黃汁流晒出嚟，好正。羽根餃子呢個餃子上枱嘅時候會連埋脆焦一齊，豬肉餡料都好足，配上餃子汁吃好正。波子汽水同埋靜岡蜜
餐廳位於尖沙咀鬧市之中，地點都好容易搵，座位唔算好多，裝修同一般嘅日式拉麵店差唔多，特別嘅係擺放咗好多Bearbrick figure，可以俾人打卡影相。
入返正題，今日我哋好幸運可以食到每日限定10碗嘅龍蝦拉麵，龍蝦係原隻澳洲龍蝦，好大隻，上枱嘅時候有震撼到。蟹肉好厚身，而且好鮮甜彈牙👍🏻 龍蝦湯底超濃郁，配菜除咗黑木耳、味付荀、溫泉蛋和紫菜之外，仲有細蝦乾，令味道更加濃郁，粗身嘅麵條掛滿左龍蝦湯底，忍唔住連湯都飲埋。
柴郎君- 鰹魚醬油拉麵
呢款拉麵喺用細麵同鰹魚醬油做湯底，配有黑毛豬，豬肉片肥瘦均勻，肉質柔軟粉嫩，處理得好好。湯底魚味好香濃，每吃一口麵上都沾上魚鮮味，湯就咁飲都好清甜，怕魚腥味嘅人都可以試吓。
溫泉蛋冷豆腐
呢個冷盤相當出色，溫泉蛋釀左係豆腐裏面，食嘅時候用匙羹一嗶，溫泉蛋嘅蛋黃汁流晒出嚟，好正。
羽根餃子
呢個餃子上枱嘅時候會連埋脆焦一齊，豬肉餡料都好足，配上餃子汁吃好正。
波子汽水同埋靜岡蜜瓜梳打
餐廳備有一些日式汽水，而且味道都唔錯，夠凍👍🏻
值得一提，只要點左一碗拉麵，可以另加$19.9 享有日式餃子放題👍🏻
Post
