阿堂魚湯 (Closed)

上次同老婆食完，老婆已經話想再黎食，話想試下其他野食同飲梅酒。咁話說今日又經過開呢頭，咪再黎食囉。今日收五點，五點半去到鋪頭門口，仲未開。原來開六點既，咪行前幾步食雪糕等到夠鐘。時間尚早，所以無乜人，我地係第二枱客，唔駛等就有位。今次我同老婆就無試個d漁湯烏冬漁湯飯，想試下佢地既定食，所以叫左鏝魚定食，吉列豬扒定食，再另叫兩款小食，分別係牛油焗雜菇，魚腐，老婆飲梅酒，我飲烏龍茶。話咁快野食就黎鏝魚定食：有碗湯，係魚湯黎，堅濃魚味，比上次既湯烏冬湯飯更濃，仍然保持水準，老婆大愛。再黎個鏝魚飯，老婆話唔錯，份量又夠大，我就偷食左一舊試下 ，味道唔差，尚算肥美，唔會乾身，咁既價錢無得輸。吉列豬扒定食：都係有碗魚湯，份豬扒黎度，我第一個反應就係塊豬扒大得誇張，乜都唔諗，即夾塊試下，新鮮滖熱辣，豬扒夠味唔un，沙律醬都廢事點，炸粉又唔厚，cp值極高，加上有沙律伴碟，無話只食肉咁癲。魚腐：新鮮炸起 外型睇落似炸豆腐，一口一粒，幾好食牛油焗雜菇：好香牛油味，但又唔會食落好肥膩咁。最後老婆見到有銀雪魚西京燒，食到飽飽死都要叫黎試，服鬼左佢。銀雪魚：我就試左一啖，魚滑嘟嘟，無骨，皮小小燒焦，好香，皮連肉