Homeland (牡丹大廈) (Moved) New Location

去開大角咀，醒起大角咀都有一間homeland, 既然上次喺大埔食過覺得好食今次就食多次！舖頭比上次大埔大, 而menu都好似比大埔嘅種類更多，有好多pizza選擇。同樣，抵食午餐有包沙律及飲品。上一次見到隔離枱食burger今次我都試下burger啦 另一個就叫咗西班牙炒飯。西班牙海鮮炒飯西班牙炒飯, 上枱已經覺得好香都見到上面有好多海鮮, 可能因為用炒嘅關係啲飯都比較脆 同我覺得好有特色嘅係上面有啲綠色嘅菜，食落去十分脆同好有紫菜嘅味道,好得意，而佢都有特色地加咗少少蛋黃醬令到唔係單一嘅西班牙炒飯味煙肉蛋安格斯牛漢堡而朋友點嘅burger賣相十分好睇，見到流心蛋黃已經流曬口水，個burger都好多份量十足，有多塊bacon同一塊好厚嘅漢堡扒，食落去超級juicy麵包都好好食應該有用咗蒜蓉牛油去烘過。最後我哋都叫咗一個雞翼做小食用上咗白汁忌廉 食落去十分脆口又有豐富嘅creamy奶味, 如果你喜歡雞翼又喜歡creamy嘅感覺一定要試下。