Video
Read full review
2019-01-02
977 views
年前曾經惠顧過金蘭花既灣仔總店，覺得佢地既價錢及菜式方面都做得唔錯，唯獨係無緣一試佢地既船麵。週末來到銅鑼灣逛下一年一度既工展會之前，心癮發作之下突然諗起佢地銅鑼灣都有分店，時間又剛好是下午茶時段可以簡簡單單食碗麵先。呢段時間好容易坐到窗邊位置方便影相，我地分別order了雞肉炒金邊粉及泰式豬肉丸船麵。週六日原來只提供午市套餐包主食一客，飲品一杯及贈送甜品並需加一服務費，既然一條心來為求吃船麵，那沒辦法先不計較價錢。船麵配菜可二選一配牛丸或豬肉丸，麵底種類可以跟金邊粉/粉絲/河粉，我選擇了豬肉丸糙米粉底。早陣子原有既彩虹船麵唔見左....又少左一個選擇。配合濃郁惹味湯底既大大碗船麵，湯面放有數卷泰式風味既脆炸豬皮，要趁豬皮還未被熱湯弄軟之前，盡快沾少許湯先食，咬落仍然充滿著卜卜脆又香口既食感。再黎大大口糙米粉，雖然無亮白既外表吸引力較遜色，但真心入口感覺比一般米粉更加幼細且堅韌彈牙得多，徹底吸收晒湯底既精華味道。餐廳都有標榜糙米粉的饍食營養價值原來比一般米粉高兼且俾到你持久既飽腹感，睇黎都幾適合我呢類粉麵狂又想追求健康既人。綜觀豬肉丸細細地5粒跟泰國當地吃到既差不多，湯頭色水味道似乎較
週六日原來只提供午市套餐包主食一客，飲品一杯及贈送甜品並需加一服務費，既然一條心來為求吃船麵，那沒辦法先不計較價錢。船麵配菜可二選一配牛丸或豬肉丸，麵底種類可以跟金邊粉/粉絲/河粉，我選擇了豬肉丸糙米粉底。早陣子原有既彩虹船麵唔見左....又少左一個選擇。
配合濃郁惹味湯底既大大碗船麵，湯面放有數卷泰式風味既脆炸豬皮，要趁豬皮還未被熱湯弄軟之前，盡快沾少許湯先食，咬落仍然充滿著卜卜脆又香口既食感。再黎大大口糙米粉，雖然無亮白既外表吸引力較遜色，但真心入口感覺比一般米粉更加幼細且堅韌彈牙得多，徹底吸收晒湯底既精華味道。餐廳都有標榜糙米粉的饍食營養價值原來比一般米粉高兼且俾到你持久既飽腹感，睇黎都幾適合我呢類粉麵狂又想追求健康既人。綜觀豬肉丸細細地5粒跟泰國當地吃到既差不多，湯頭色水味道似乎較少豬血用料。至於跟餐既泰式黑咖啡不過不失，略有甘香既餘韻，不過盡可能少冰以保持其原味。
價錢當然唔係泰國當地40-50 Thai Baht就食到一碗，不過呢度既份量之大都有地道既6-7碗SIZE，絕對緩解到對船麵既思念
另一份雞肉炒金邊粉，外觀似乎一般應該落重左茄汁去炒，整碟金邊粉變左鮮橙色，味道偏酸，不作特別推介。
甜品係迷你椰汁芋頭西米糕，唔好期望有咩驚喜，正正常常味道甜度都係可接受。
Post
