Video
Read full review
2021-05-19
736 views
晚上約朋友去元朗食飯吹水，朋友話入想食日本野，啱晒啦！元朗咁多日本餐廳，隨便搵都有好多選擇！最後揀咗九丁目，係因為見個門面的櫻花幾有feel!Menu有刺身、壽司、熟食好多選擇，我點了碗辣芝士濃湯海鮮烏冬做主食，芝士唔係拉絲個種，係個湯有陣陣的芝士香味，係芝士融入湯入個種, 我覺得唔算辣，微辣程度，海鮮有扇貝、青口、蝦，烏冬好滑，湯底又熱又香濃！朋友選了特選壽司拼盆，有三文魚、帶子、金倉魚壽司等等，朋友話壽司都幾鮮甜，而且壽司配搭係佢平時都會點的，好啱佢食！食日本野當然要點返幾款小食，包括我最愛的蟹籽沙律！估唔到2人份量會咁大盆，我懷疑有一大條青瓜的份量！蟹籽份量多又新鮮彈牙，不過攪勻就係技術性的問題，青瓜新鮮爽口，食完感覺清新，平時唔食菜的都會不知不覺食好多～另外芝麻雞翼都係必點的，雞翼外皮沾了炸粉做到好脆口的效果，內裡好熱辣辣要小心燙口，肉質好滑有汁！軟殼蟹手卷有2份唔使爭，軟殼蟹都幾大份，雖然配料放了青瓜絲、蟹柳絲同蟹籽，同剛剛食的蟹籽沙律有重複的感覺，不過加埋軟殼蟹一齊食，口感豐富又ok喎！最後叫埋2枝日本果汁梳打，密瓜同白提的味道都好香，而且唔會係好假的死甜味，日本野的確係唔
晚上約朋友去元朗食飯吹水，朋友話入想食日本野，啱晒啦！元朗咁多日本餐廳，隨便搵都有好多選擇！最後揀咗九丁目，係因為見個門面的櫻花幾有feel!
Menu有刺身、壽司、熟食好多選擇，我點了碗辣芝士濃湯海鮮烏冬做主食，芝士唔係拉絲個種，係個湯有陣陣的芝士香味，係芝士融入湯入個種, 我覺得唔算辣，微辣程度，海鮮有扇貝、青口、蝦，烏冬好滑，湯底又熱又香濃！
朋友選了特選壽司拼盆，有三文魚、帶子、金倉魚壽司等等，朋友話壽司都幾鮮甜，而且壽司配搭係佢平時都會點的，好啱佢食！
食日本野當然要點返幾款小食，包括我最愛的蟹籽沙律！估唔到2人份量會咁大盆，我懷疑有一大條青瓜的份量！蟹籽份量多又新鮮彈牙，不過攪勻就係技術性的問題，青瓜新鮮爽口，食完感覺清新，平時唔食菜的都會不知不覺食好多～
另外芝麻雞翼都係必點的，雞翼外皮沾了炸粉做到好脆口的效果，內裡好熱辣辣要小心燙口，肉質好滑有汁！
軟殼蟹手卷有2份唔使爭，軟殼蟹都幾大份，雖然配料放了青瓜絲、蟹柳絲同蟹籽，同剛剛食的蟹籽沙律有重複的感覺，不過加埋軟殼蟹一齊食，口感豐富又ok喎！
最後叫埋2枝日本果汁梳打，密瓜同白提的味道都好香，而且唔會係好假的死甜味，日本野的確係唔同d
如果唔怕熱，其實坐在餐廳外面的枱係好有feel,晚上有煙放出，加上周圍的裝飾，好似去了日本庭園咁
Post
