Video
Read full review
2023-11-30
1616 views
大大話話幫襯咗 outback 好多年 - 細細個澳洲讀書開始, 初出嚟做嘢去銅鑼灣鋸個高級少少嘅牛扒, 到有家室之後去尖沙咀扶老攜幼睇燈飾, 高峰期一個月去一兩次都走唔甩, outback 確實係老少咸宜之選。從來都係喜歡佢嘅踏實, 服務同食物質素嘅穩定: 熱烘烘嘅麵包, aussie cheese fries, 辣雞鎚, ceaser salad, toowoomba pasta, steak, 當然唔少得一杯杯冰凍嘅啤酒啦。到近幾年, Moko outback 就係我一班中學嘅兄弟指定嘅生日慶祝餐廳, 無他嘅, 男人老狗 - 坐得舒服食得ok就可以, 所以次次都懶得揀其他。我哋睇返啲相, 自從2018 開始已經無間斷地喺度慶祝生日, 可惜, 終於係時候講分手。其實已經比多一次機會, 對上一次六月份嚟已經覺得唔對路 - 再見唔到嗰班禮貌勤奮嘅本地後生仔女, 由大排長龍變到只有一半入座率, 由每五分鐘就托出一盤盤嘅小食牛扒到而家啲服務員都係圍埋傾偈, 仲有連洗手間都壞埋… 到今次十一月再食, 服務質素依舊不復當年, 而最令人嘆息係整體食物質素都嚴重下降… 係嚴重到呢班最冇所謂嘅麻甩佬
從來都係喜歡佢嘅踏實, 服務同食物質素嘅穩定: 熱烘烘嘅麵包, aussie cheese fries, 辣雞鎚, ceaser salad, toowoomba pasta, steak, 當然唔少得一杯杯冰凍嘅啤酒啦。
到近幾年, Moko outback 就係我一班中學嘅兄弟指定嘅生日慶祝餐廳, 無他嘅, 男人老狗 - 坐得舒服食得ok就可以, 所以次次都懶得揀其他。我哋睇返啲相, 自從2018 開始已經無間斷地喺度慶祝生日, 可惜, 終於係時候講分手。其實已經比多一次機會, 對上一次六月份嚟已經覺得唔對路 - 再見唔到嗰班禮貌勤奮嘅本地後生仔女, 由大排長龍變到只有一半入座率, 由每五分鐘就托出一盤盤嘅小食牛扒到而家啲服務員都係圍埋傾偈, 仲有連洗手間都壞埋… 到今次十一月再食, 服務質素依舊不復當年, 而最令人嘆息係整體食物質素都嚴重下降… 係嚴重到呢班最冇所謂嘅麻甩佬, 都耍手擰頭…
明白而家市道唔好, 做餐飲真係好困難… 但Moko outback 跌watt 嘅程度實在太嚴重, 亦俾多一次機會了, 所以唯有講再見啦… 最後補充多少少, 六月份去嗰次係星期三, 十一月份嗰次係星期一, 唔知星期五六晚會唔會好啲? 又或者其他分店嘅服務同食物質素應該仲ok? 呢個留俾outback 粉絲去發掘啦, 我就暫時離場先喇…
Post